manx celtic music and dance

Yn Feailley Pan-Cheltiagh Averil 2013

03 May 2013

Marlene Hendy singing (and winning!) in the competitions
Marlene Hendy singing (and winning!) in the competitions

Hie yn 42oo eailley er cummal ayns Carlow voish yn nah dys y chiaghtoo laa Averil, raad va’n emshir braew, grianagh as feer feayr. Ec yn’osley oikoil ‘syn ‘astyr beg va ardan mooar cheumooie ayns y phairk ta mygeayrt yn Cholleish as Laare Ellynyn G.B. Shaw. V’eh er y leeideilagh voish dagh cheer foaddey cainle vooar eddyr-Cheltiagh as shey biteyn cainley urree, voish cainle sloo nyn jeer hene. By ghoillee v’eh, agh speeideilagh ec y jerrey, lurg ny oraidyn as roish jannoo voish dagh cheer. Shee bannee mee, va mee riojit! Agh er-lhiam dy row eh jeeaghyn mie dy liooar. Yn laa er-giyn hie troor jin dys Halley yn Valley raad va oltaghey ayns onnor ny shey cheeraghyn Celtiagh. Va berreenyn beggey yindyssagh ayn – as arrane voish dagh cheer. Ghow Clare, Margaid as mish arrane er-nyn-son. ‘Syn ‘astyr beg va co-hirraghyn ny arranenyn tradishoonagh ry-chlashyn. Ren Marlene Hendy ‘Arrane y Ven-vlieaun’ as ‘Arrane Oie Vie’ – va ny briwnyn coontey cha mie jeh’n choraa yindyssagh eck dy chossyn ee yn chied aundyr. Moylley as soylley jee. Va’n possan ‘Falga’ jannoo ‘Sleityn Glassey’n Dhoon’ as ‘Scollag Aeg’. Ga dy row ny arraneyn mie, cha chossyn ad yn varriaght. Lurg ooilley shen va seshoonyn ayns thieyn – oast y valley derrey moghey ‘sy voghrey. Jerdein ren Jonee Fisher as David Kilgallon cloie ‘sy cho-hirrey mooar dy ‘eddyn yn ‘Arrane Noa’ bhare lesh ny briwnyn. Ga dy ren Jonee goaill arrane mie er bashtal cha chossyn ad yn varriaght. Chossyn yn Kernowagh aeg ‘Benjad’ eh son yn nah cheayrt, agh s’mie lhien foast ‘Ny Jean Keayney’, scruit liorish Dan Ntuabane as Jonee. Lurg yn cho-hirrey va ceili/ troyl/ fest noz eddyr ny Manninee/ Kernowee/ Britanee raad va ny jeantee cloie kiaull, goaill arrane as daunsin. Hie kuse jin mygeayrt yn aird cheumoie jeh balley Carlow marish ny Bretnee ayns nyn marrooose moghrey Jeheiney gys ny garaghyn Altamont as, ga nagh row monney my-vlaa, v’eh slane feeu goll. Va cuirrey kiaull ny coryn yindyssagh ‘sy Voir-agglish ‘syn ‘astyr beg, eisht va ‘Club ny Bretnee’ ayn. Va cha whilleen dy Vretnee ayn, cha row reamys da sleih elley, myr dy kinjagh. Ayns ny co-hirraghyn da coryn Jesarn, ren Caarjyn Cooidjagh g’entreil ayns three – as chossyn ad daa cheid aundyr, noi coryn voish Bretin, Nalbin, Nerin as Britaan Beg. Yindyssagh! Ta ooilley Vannin goaill moyrn assdaue. Bee’n nah ‘Eailley ayns Doire ayns shiaghtin y Chaisht 2014. Jeeagh-jee er www.panceltic.ie

Fiona McArdle

Fiona McArdle reports on the Pan-Celtic Festival in Carlow. As Manx delegate, she was invited to light a candle alongside representatives of all of the other Celtic nations at the opening ceremony, which was attended by Ireland’s Minister for the Gaeltacht and the Islands, Dinny McGinley T.D. Falga sang in the competitions and Marlene Hendy won first prize for her singing of two Manx songs. Jonee Fisher and David Kilgallon represented the Island in the new song competition and gave a terrifi c performance. The competition was won by Benjad from Cornwall. Caarjyn Cooidjagh won two choral trophies and the entire Manx contingent contributed to evenings of entertainment - performances and ceilis. Performers were supported by the IOM Arts Council and the Manx Heritage Foundation. Next year’s festival will be in Derry in Easter week 2013.

Recent News

Archive by Year